Armerixa

Joan den astean aurkeztu zuen Susa argitaletxeak liburu elektronikoak saltzeko egitasmo berria. Modu onean (3,54 euro). 142 liburu dauzka eskura

informazio gehiago: Susa

Abenduaren 3a  izango da Euskararen Nazioarteko Eguna  da, baina Armeria Eskolan  abenduaren 2an, ostiralean, ospatuko dugu.  Horretarako hainbat ekitaldi antolatu badira ere, apagarriena taldeen arteko lehiaketa izango da. Lehiaketan irakasleak zein ikasleak  hartuko dugu parte, eta hauek izango dira gainditu beharreko frogak: Musa, pinpona, esku-pilota, lokotx-bilketa, zaku-karrera, koilare-jokua, aulki-jokua, euskal Ginkana, kartel lehiaketa, bertso idatzi lehiaketa eta Euskal karaokea.

Jaialdia ikasleen  eta irakasleen artean antolatu dugu eta parte-hartze handia espero dugu.

Eibarko Udalak antolatuta eta Itsaso Paiaren eskutik euskara-motibazio saioak izan ditugu Armeria Eskolan. Bi saio izan dira, lehendabizikoa 13:00etan bailarako batxilergoko eta Lanbide Heziketako ikastetxeentzat, eta bigarrena, 15:00etan DBHkoentzat. Saio horietan Itsasok bere bizitzan zehar euskararekin izan duen erlazioa kontatu digu; nola 12 urte arte, erabat gaztelaniaz egiten zuen, eta nola bere nebak euskaraz egin behar zutela esan zionetik aurrera,  mundu berri eta aberasgarri bat zabaldu zitzaion. Saioetan Itsasoren hiru pasioak ezagutu ditugu: antzerkia, bertsoak eta musika. Hauek dira  kantatu dizkigun abestia eta bertsoak:

abestia

bertsoak

AURKEZPENA

Armeria Eskolak euskararen erabilera sustatu nahi du ikastetxean, bai ikasleen artean, eta bai langileen artean. Hori dela eta, logotipo-lehiaketa bat antolatu du.

I-.  HELBURUAK

1.- Euskararen erabilera areagotzea ikastetxean

2.- Ikasleen zein langileen sormena bultzatzea 

II-. NORI ZUZENDUA

Ikastetxeko ikasleei, ikasle ohiei eta langileei.

III-. SARIA

I-Pod zoragarri bat

IV.- LANAREN BALORAZIOA

Bost lagunez osatutako taldeak baloratuko ditu aurkeztutako lanak. Talde hori Irakasleen Euskara Batzordeko eta Ikasleen Batzordeko kideek osatuko dute.

Epai ematerakoan baloratuko diren puntuak:

-          Logoak lehiaketaren helburuekin daukan koherentzia

-          Logoaren itxura.

-          Eskolarekin duen lotura

Lanek kalitate nahikorik izango ez balute, ez litzateke saririk emango

V.- AURKEZTUTAKO LANEK IZAN BEHAR DUTEN FORMATUA

Lanak formatu digitalean aurkeztu beharko dira. Jpg motako fitxategian.

VI.- LOGOAK IZANGO DITUEN ERABILPENAK

-          Zigiluak, pegatinak, kamisetak, eta Euskara Batzordeak sortutako materialetan  jartzeko.

-          Euskara eta gaztelera dauden idatzi ofizialetan euskarazkoa erabiltzea gomendatzeko.

-          Gazteleraz soilik dauden testuak euskaraz ere jarri beharko liratekeela gogoratzeko.

-          Ahozko erabilera bultzatzeko.

-          Euskara Batzordeak erabakitzen dituen beste hainbat erabilera.

VII.- NON ETA NOIZ AURKEZTU

Lanak aurkezteko epea: maiatzaren 2tik eta 6era, biak barne

E-mail helbidea: euskarabatzordea@armeriaeskola.com

Koadrilarekin, familiarekin, ikaskideekin… kantuan egin nahi baduzu, eskatu euskera@eibar.net helbidean KANTU KANTARI kanta liburuxka eta behar beste eskuratuko dituzu. Mezuan zehaztu zenbat liburuxka jaso nahi diren.

Informazio gehiago: Eibarko Udala

Armeria Eskolak ehun urte betetzen dituela eta, BERRIA egunkariak erreportai interesgarri hau argitaratu zuen:

Informazio osoa Berria egunkarian

Firefox 4 labetik irteteko zorian dago, eta Euskalbar garatzen dugunok ere lanean aritu gara euskarazko hiztegi eta baliabideak kontsultatzeko sortu dugun aplikazio txiki hau egokitzeko eta haren aurpegia garbitzeko.

Oraingoan gure helburua Euskalbar Firefox berrira egokitzea izan denez, erabiltzaileok ez duzue funtzionaltasun berri askorik aurkituko. Bertsio honetarako lana batez ere Euskalbarren barruan dagoen kodea txukuntzera bideratu da. Aldaketa kosmetikoak ere egin dira, itxura berria emanez bai aplikazioari bai webguneari.

Erabiltzaileak sumatuko duen aldaketa nabarmenena barraren ezkerreko aldean zeuden menuen desagertzea da. Aldaketa honekin espazio apur bat irabazi da barran hiztegien botoi gehiago erakusteko. Aipatutako aukera horietara sartzeko orain nabigazio-barrarako sortu den botoi batetik egin beharko da. Modu lehenetsian botoi hori eskuinean kokatu da, bilaketa-motorrak dauden kutxaren (“Google-en kutxaren”) eskuinean. Hala ere, botoia lekuz alda daiteke, eta barraren beste edozein tokitan kokatu.

Informazio gehiago

UEUk, Ikastetxe Nagusiko eskaintzaren barruan, zortzi ikastaro antolatu ditu Eibarren eta ikastaro horien berri ematen dizugu, zuretzat edo zure ingurukoentzat interesgarriak izan daitezkeelakoan. Hauek dira ikastaroak:

• Moodle 2.0-ren oinarrizko erabilera
• Interneten baliabideak erabiltzen ikasi
• Argazkigintza dokumentala
• Coaching pertsonala
• Estres psikofisikoa nola gainditu
• Haurtzaroa, oinarri sendoekin
• Portaera arazoak kudeatzeko teknikak
• Basoaren sekretuak ikertuz

Jarraitu irakurtzen

Gazte garaian finkatzen dira hizkuntza ohiturak eta hausnarketa egiteko asmoz, 3 sketch grabatu ditugu Zurriola Antzerki Eskolakoekin batera. Izan ere, Donostian 24 urte bitarteko gazteen %90 euskalduna da edota euskara ulertzen du baina ez dute guztiek erabiltzen.

Bideoak ikusi